داغداغان کیتابی و پان تورکیستلرین تحریفلری

داغداغان کیتابینین مولفی  (عباد ممی­زاده) ایله اردبیلده نشر اولان خانوادگی نشریه (سارای)ین مصاحبه­سی...

[داغداغان کیتابینین ایکی یئرده (یاشماق و سارای) درگی­لری طرفیندن نشر  اولماسی اوچون خانیملار میهن کریمی (ویراستار نشریه) و مژگان صیامی (میر مسئول) بو مصاحبه­نی آلمیشلار.

دانیشیق اوچ سوالدان عبارتدیر. بیری مولفین اثرلرینین تانیتدیرماسی، بیری ادبیاتدا نه­یین یئری بوشدور و او بیریسی ایسه پارادوکسیال حادثه کیمی بیر کیتابین ایکی یئردن، بیر سارای  و بیر باشقا شخصلرین طرفیندن اوغرولوقجا  نشر ائدیلمه­سینین ایضاحی­دیر...]

س. لطفا اثرلریز حاقیندا دانیشین؟

*محققان زبان فارسی در جمهوری آذربایجان- انتشارات بنیاد افشار با کمک و مساعدت وزارت امور خارجه­ جمهوری اسلامی ایران

نگاهی به مطبوعات آذربایجان (شرقی – غربی) (فارس دیلینده چیخان نشریه­لر)

دده­قورقوددا اسلام ائدیاسی  (کریل الفباسی ایله) انتشارات الهدی (باکی اوچون)*

*عمومی دیل و آذری دیلینین قراماتیکاسی (برای تدریس در دانشکده وزارت بهداشت) هلال احمر جمهوری اسلامی ایران در باکو

*آذربایجان دیلی سفرده (زبان جمهوری آذربایجان در سفر) با الفبای کریل و فارسی (سحر کانالینین ایشچی­لری اوچون)

*حکایات موزالان،خودونون توته­گی، جوجو و نجی  با نام  داغداغان (قصه­های طنز آمیز چاپ شده در نشریات اردبیل)

و  رمان جیبی شامان ( در 60 صفحه . . . )

س. ادبیاتیمیزدا نه­یین یئری بوشدور؟

ادبیاتیمیز اکثر حاللاردا فارس ادبیاتینین تقلیدی محصولو کیمی یازیلیر.

سیزین سوالین جوابی اولاراق من ایندیکی ادبیات وضعیتیندن خیلی راضی­یام.  ادبیاتشوناسلیق سیستمی باخیمیندان ایراندا یاشایان فارس ادبیاتیندان بیر خیلی ایره­لی گئدیر.

س. بیر ایکی کلمه سارای مجله­سی حاقدا دانیشین؟

سارای ژورنالی سوبیئکتیو بحرانلارا رغما یؤنلدیگی استقامتی نظره آلساق تام امینلیکله دئیه بیلرم کی بو مجله­نین پارلاق گله­جه­یی وار. منه وئریلن بو واختدان دا ژورنالین باش رئداکتورونا و شخصا سیزه (ویراستار میهن کریمی)یه درین تشکرمو بیلدیریرم.

س. سونونجو اثرینیز یعنی داغداغان سون سارای مجله سینین طرفیندن چاپ اولونوب. لاکین معلوم اولدوغو اوزره همین شاه اثر باشقا شخصلرین طرفیندن ده اوغورلوقجا  چاپ اولموشدور. بو پارادوکسیال بیر حادثه اولدوغو اوچون سیزین ده فیکرینیزی بیلمک ایستیردیک؟ 

من هر شئیدن اول سارای نشریه­سینه و اونون شخصا مسئول مدیرینه اؤز تشکرومو بیلدیریرم. کی منی بو چاغیرتیردی...

عادتا هر بیر اثرین چاپ اولماسی اونون مولفینی سئویندیریر. لاکین گؤرونور کی داغداغانین طالعی اونون نشری کیمی پارادوکسیال خاراکتر داشییر. چونکی اؤزونو آذربایجان یاشماغی آلتیندا داشییان «سعید موغانلی» مولفین اؤز گؤزونون قاباغیندا اثرین اوغورلاییب و تحریف ائدیر.  (اونون دئدیگینه گورا بونلارین هامیسی سهو اوزوندن باش وئرمیشدیر. لاکین بیلمه­لییک کی بونون نتیجه­ده هئچ تاثیری یوخدور) بو تحریفلر و یا خود سهولرین بعضی­لرینه اشاره ائتسک یاخشی اولاردی. تحریفلر کتابین لاپ ائله تیتول صحفه­سیندن باشلایاراق سونونا کیمی دوام ائدیر.

1. پوبلیسیتیک 2. ائدیت و حاضیرلایان: سعید موغانلی 3. یایینلایان: یاشماق درگیسی 4. بیرینجی چاپ اردبیل  1386 5. پوبلیسیستسک یازیلار 6. حیکایه­لر 7. اوزئییر حاجی بَیلی 8. خسته­لنسه و س...

بویوک تحریفلری کتابا روا گؤرن سعید موغانلی­نین هر بیر تشبوثده اونون تفکر و سواد بازاسینی آیدین گؤرمک اولار. مثال اوچون حاجی به­یوف آدینی تحریف ائدیب اوزئییر حاجی بَیلی شکلینده یازان دوستوموز بیر طرفدن سواد سویه­سینی نمایش ائتدیریر. او بیری  طرفدن «کور میلتچی­لیک»ه آلداندیغینی گؤسته­ریر.

ماراقلی­دیرکی آدلارین ترجمه ائدیلمه­سی تکجه پان تورکچو «سعید» جنابلارینا مخصوص دگیلدیر. اوندان قاباق هم تبریز شوونیستلری و هم عثمانلی پان تورکیستلر همین ایشی گؤرموشلر.

مرحوم بابا صفری اردبیل در گذرگاه تاریخ کتابیندا یازیر: «ماهیرود یا بالیخلو» و یا تبریزده «علی سیاه» آدینی آلقیر ائتمیشلر.و قزئتلرین بیری یئتمیشینجی ایللرده «حیدر علی­یف» عوضینه حیدر علی­زاده و حیدر علی­اوغلو یازمیش.

بونلارین هامیسینی شوونیزمین تظاهورو کیمی قیمتلندیرمک اولار. تورکیه فاشیزملری «کتاب دده­قورقود»ون آدینی «بابا قورقود» کیمی قید ائتمیشلر.

داغداغان کتابینین هم تیتول صفحه­سینده و هم ده اوندان سونراکی صفحه­ده «پوبلیسیستیک» سؤزونون هر ایکیسی غلط یازیلمیشدیر. هله دئیک کی بو خارجی کلمه­دیر. آما بو تحریف فقط پوبلیسیستیک سؤزو ایله بیتمیر. «یاییملاماق» عوضینه هم بو کتابدا و هم بوتون یاشماق کتابلاریندا «یایینلایان» یازیلمیشدیر. اوخوجولارین دقتینه چااتدیرمالییام کی، یاییملاماق «توزیع» و یایینلاماق ایسه «تحریف» ائله­مک دئمکدیر. چاپ و نشر دونیاسی­نین شاه اثری اولان بو کتابدا «حئکایه» سؤزونون یازیلیشی اؤزو ده بیر حئکایتدیر. بو سؤز عرب الفباسیندا «حیکایه» و لاتین الفباسیندا (لاتین شناسنامه­سینده)  «حئکایه» شکلینده گئتمیشدیر.

آیری بیر یئرده «خسته­لندیمی» کلمه­سی تحریف ائدیلیب «خسته­لنسه» یازیلمیش.

اگر معنا باخیمیندان بو سؤز  فرقلی اولماسایدی (اورتوگرافی اویون بازلیق!!! ) سلیقه حسابینا قویاردیق. افسوس کس اونلار آیری و فرقلی سؤزلردیلر. خسته­لندیمی تعبیر و خسته­لنسه شرطی خاراکتر داشییر. !

ایندی گلین بو سوالا جواب وئرک : گؤره­سن بو بؤیوک تحریفلر ائدن آدم رئداکتورلوق ائده بیلر. جواب معلومدور. البته هئچ بیر عقللی و نورمال آدام بو منحرف  ایشی گؤرمز . الینه گلنه گئدر..!

بس گؤره­سن سعید موغانلی! جنابلاری نییه بو ایشی گؤرور.؟: «ائدیت و حاضیرلایان: سعید موغانلی»

گؤره­سن بیز (داغداغان مولفی) [عباد ممی­زاده. ع.م. آغداشلی] بو قدر انحطاطا اوغرامیشیق، یوخسا سعید موغانلی اؤزونو رئداکتورلارا قاتماغا جان آتیر؟؟!

ندنسه نظامی گنجوی­نین بیر بیت گؤزل شعری یادیما دوشور:

بو قارین اوتاران دوزسوز شاعیرلر

سایه­مده دنیانی باسیب یئدیلر

کتابهای برگزیده­ی حوزه­ی فرهنگ و هنر آذربایجان

 با یاد ادیب معروف "هلال ناصری"

برگزیدگان جشنواره­ی پنج سالانه­ی کتابهای برگزیده­ی حوزه­ی فرهنگ و هنر آذربایجانی معرفی شدند

همشهری آنلاین :

جشنواره و جایزه­ی ادبی "کیتابلار کیتابی"، که به کتابها و آثار برگزیده­ی حوزه­ی فرهنگ و ادبیات آذربایجانی در پنج سال اخیر (82 تا 1387) اختصاص داشت، با معرفی برگزیدگان در رشته­های گوناگون خاتمه یافت.

به گزارش خبرنگار ما، در این جایزه­ی ادبی که به همت گروه­هایی از اندیشمندان، نویسندگان، شاعران و علاقه­مندان فرهنگ و ادبیات آذربایجانی و نیز چندین نشریه­ی دانشجویی(یاشماق، گونش و بیرلیک) و مؤسسه­ی انتشاراتی از چند ماه پیش آغاز شده بود، علاقه­مندان از طریق سایت جشنواره و نیز با مراجعه­ی حضوری برگزارکنندگان به برخی از استادان و صاحب­نظران، آثار برتر خود را در رشته­های گوناگون انتخاب کردند.

برگزیدگان رتبه­های اول تا سوم این جشنواره که یادواره­ی ادیب، کتاب­شناس، مصحح و ناشر معروف آذربایجانی "مرحوم هلال ناصری" نامگذاری شده بود، به این شرح معرفی شده­اند:

شعر: الیمده اللی بارماق (نیگار خیاوی)، گؤزلرین دوغوم گونوم (محمدرضا لوایی)، اؤلوم اؤپوشوندن یانمیش للک­لر (کیان خیاو).

داستان: لاپ او اوزاق­لاردا (رضا کاظمی)، قارا دوواق (مرتضی مجدفر)،مردی که گورش گم شد (حافظ خیاوی)

رمان: قارا چوخا (ناصر منظوری)، آرباتان (محمدرضا لوایی)، دو قدم این ور خط (احمد پوری)

تاریخ: ترکان و بررسی تاریخ زبان و هویت آن­ها در ایران (حسن راشدی)، سیری در تاریخ آذربایجان (صمد سرداری­نیا)، فجایع جیلولوق (توحید ملک­زاده)

پژوهش: اصلی و کرم، بایاتی (میرعلی سیدسلامت)، تاریخ ادبیات آذربایجان (محمدرضا کریمی)، عاشیق­لار دونیاسی (جواد دربندی)

ادبات کلاسیک (تصحیح و آماده­سازی): دیوان نسیمی (حسین محمدزاده صدیق)، دیوان ختایی (رسول اسماعیل­زاده)، دیوان معجز شبستری (حسین میشوولو)

اندیشه: کثرت قومی و هویت ملی ایرانیان (ضیا صدر)، علل و شاخصه­های تغییر زبان ترک­های تهران (عباس داورنیا)، بحران هویت (حسن راشدی)

مطالعات زنان: زن در فرهنگ اذربایجان (م.کریمی)

ادبیات عاشیقی: عاشیق شعر مجموعه­لری؛عاشیق علسگر، قشم، شمشیر (عبادی قاراخانلی)، آلدی گؤرک نه دئدی (علی احمدی)، عاشیق دئییر (جواد دربندی)

ترجمه: ساواش (رضا حسینی)، هایکولار (راسیم قاراجا)، بَیَل عزالی­لری (نیگار خیاوی)

برگردان (تغییر الفبا): گؤی اوزو داش ساخلاماز (رامیز روشن)زهرا قیطرانی، آذربایجان حئکایه­لری (محمد صبحدل)، قایتار آنا بورجونو(علی کریم)شهرام گلکار

طنز: رنگارنگ (مراغالی کریمی)، سؤز بازاری (نورالهی)، جیغان- ویغان (یالقیز)

ادبیات کودک و نوجوان: هیچ اثری در این بخش، شایستگی لازم برای برگزیده شدن را پیدا نکرد.

موسیقی: آذربایجان ماهنیلاری (حسن دمیرچی)، ایواندا تار چالیرام (رضا حسینی)، باغلاما پنجره­نی(قدرت حسین­پور)

واژه­نامه(فرهنگ لغت): آذربایجان دیلینین ایضاحلی لوغتی (بهزاد بهزادی)، دیل دنیز (اسماعیل هادی)، فرهنگ لغات انگلیسی- استانبولی- فارسی (قدیر گلکاریان)

دین: ترجمه­ی قرآن کریم به ترکی (ضیا بنیاداوف)، ترجمه­ی قرآن کریم به ترکی (رسول اسماعیل­زاده)

طراحی و گرافیک: طرح جلد نمایشنامه­ی "قوردلار" اثر غلامحسین ساعدی (مهیار علیزاده- آیخان)، طرح جلد کتاب شعر "دورد شاعیر، قیرخ دوعا" (آتابای تیکان تپه­لی)، طرح جلدکتاب شعر "جاماکا" اثر رسول یونان (ساعد مشکی)

صفحه­آرایی: گؤی اوزو داش ساخلاماز (رتبه­ی اول)، مجموعه شعر "گون آیدین نیفرت"  (رتبه­ی دوم)، نمایشنامه­ی "قوردلار" (رتبه­ی سوم)

نشریه­ی دانشجویی: یاشماق، بیرلیک، گونش

ناشران برگزیده: اندیشه­ی نو، یاشماق، اختر

بدترین کتاب: در این بخش، علی رغم اینکه آثار متعددی شناسایی و معرفی شده بودند، کمیته­ی برگزارکننده­ی جشنواره، برای تقویت کتاب  و کتاب­خوانی در حوزه­ی فرهنگ و ادبیات آذربایجانی اثری را معرفی نکرد.

هم­چنین کمیته­ی برگزارکننده،آثار زیر را که با فاصله­ی اندکی از برگزیده­گان، حائز رتبه  شده بودند، معرفی میکند:

شعر: بیر سالخیم دان یئری (اسماعیل اولکر)، بالتالاردان لئیلک­لره(آتیلا کیشی­زاده)، تانری داریخیر (سعید موغانلی)

رمان: آواوا (ناصر منظوری)، اشک سبلان (ابراهیم دارابی) گوموشو پئنجک (هاشم ترلان)،

تاریخ: تورک­لرین اسکی تاریخی (محمدتقی زهتابی)

ادبیات کودک و نوجوان: بو دا بالیغین پولو (ابراهیم زاهدی مطلق/ترجمه:محمد سیمزاری)، بؤرکلو آغا و بؤرکسوز آغا (سیلور استاین)، اولدوز (رامین جهانگیرزاده)، یاغیش (محمد عابدین­پور)

پژوهش: قارا مجموعه (حسین محمدزاده صدیق)، قیل قمیش (فرهود مشروطه­چی)، کوه­های آذربایجان (صمد چایلی)

واژه­نامه: محمد دوغان- شاهمرسی

یانان یاشیل

حبیب ساهرین سئچیلمیش شعر مجموعه سی

درله ین: رسول یونان

آذربایجان سربست شعرینین آتاسی ساییلان حبیب ساهرین شئچیلمیش شعر توپلوسو رسول یونان جنابلارینین امه گی ایله افکار انتشاراتی طرفیندن یایینلاندی.

کیتابین چاپی هر جهتدن تقدیره لاییقدیر. چوخ پروفسیونال و لاییقلی چاپ کیفیتی و هابئله شعرلرین سئچیمی و صاف چوروک اولماسی دا ماراق دوغوراندیر. بو گونه کیمی اوستاد حبیب ساهردن بئله تر-تمیز اثر بوراخیلمامیشدی. کیتابدا آذربایجان تورکجه سینین املا قایدالاری ایسه بوتونلوکله وارلیق اورتوگرافی اساسیندا گئتمه سی دیلیمیزین واحید بیر املا و اورتوگرافی اساسینا چاتماسیندان خبر وئره بیلر. 

یاشماقلی CDلر

۱- چاغداش آذربایجان لیریک (عاشقانه) شعرینین آتاسی ساییلان نصرت کسمنلی نین شعرلری اوز سسیله  یایینلادی. دیسکده بیر ساعات یاریم شعر ائشیدیب سئویشه بیلرسینیز شعرله البته !  فیکریزی یاهالتمایین باشقا شئی لرله ........       استغفرالله...

۲- هابئله قوجا تبریزین ان پروفسیونال اوخویانی و اوستاد لوطفویار شاگیردلییینین   فخرلی آدی اوستونده اولان مسعود امیرسپهرین تبریز کنسرتی ایکی CD ده یایینلاندی.

۳-  گونش درگیسینی علاوه سی اولان مختلف پروقراملار  (بایلون-دیلمانج-لاتین کوچور- و عرب کوچور- و ...) درگی ایله بیرگه یایینلانمیشلار. و هابئله یاشماق درگیسینین علاوه سی کیمی هارای سولدوزلونون رقص فیلملری ده آدی گئدن درگی ایله بیرگه یایینلانمیشدیر.

حبیب ساهر در راه نمایشگاه کتاب!

"رسول یونان"، شاعر و گرد‌آورنده این کتاب در این باره به ایبنا گفته: ساهر پدر شعر نو ترکی است. این شاعر ترک‌زبان چند سال پیش از این که شعر نوی فارسی از سوی نیما [یوشیج] آغاز شود، این گونه شعری را در زبان ترکی ایران ابداع کرده است. از این رو انتشار مجموعه دیگری از او به زبان ترکی ضرورت دارد .

به گفته یونان در این کتاب نزدیک به ۱۰۰ قطعه شعر از سروده‌های منتشر نشده ساهر گنجانده شده است. از جمله افرادی که یادداشتشان در این کتاب منتشر می‌شود می‌توان به افرادی چون احمد پوری، شمس لنگرودی، جواد مجابی، سادات اشکوری، مفتون امینی و چند شاعر ترک زبان اشاره کرد. بخش «گزینه شعر» برخی از سروده‌های منتشر شده و منتشر نشده این شاعر ترک‌زبان ایرانی را به انتخاب یونان در خود جای داده است.

   یونان تفاوت این کتاب با سایر آثار منتشر شده از ساهر را منحصر به سروده‌های منتشر نشده‌ای که در این کتاب جمع‌آوری شده، ندانست و توضیح داد: یادداشت‌ها، نقد‌ها و تحلیل‌هایی که افرادی صاحب نظر در مورد ساهر و برای این کتاب تحریر کرده‌اند و ذکر زندگی‌نامه‌ای مفصل از این شاعر ترک‌زبان، ویژگی اصلی این کتاب است.

منبع خبر:

http://www.ibna.ir/vdcaywne.49nia15kk4.html

یاشماق درگی­سی یایینلاندی

یاشماقدا بو یازیچی و شاعیرلرین اثرلریله تانیش اولا بیلرسینیز:

یاغیش یویور گون قورودور / رامیز روشن اؤزل سایی:

رامیز روشن / ت. آلیشان­اوغلو / آنار رضا / رسول رضا / اکرم ایلیسلی / ممد آراز / فیکرت قوجا / کامال عبداله / کامیل ولی / علی­اکبر صالاح­زاده / واقیف بایاتلی / رستم بهرودی / واقیف صمداوغلو / فیکرت صادیق / آیدین ممد / یاشار روشن / طاهره موسوی / محمد اوروج / فخری اوغورلو / احمد اوغوز / آلپای آذراوغلو / سعید موغانلی / ووقار نعمت ...

تنقید / شعر / حیکایه و مقاله ... :

جوانشیر موغانلی / همت شهبازی / محمدرضا لوایی / میرعلی سیدسلامت / اورخان پاموق / نریمان عبدالرحمانلی ...

مرتضی مجدفر / رضا کاظمی / حبیب ساهر / رقیه صفری / حامد احمدی / سمیه ممدی / محمود مهدوی / والی گؤزه­تن / فرید امین­الاسلام / رضا براهنی / یاشار قایاباشی / یالچین تورکای / شکرانه عالم ...

هادی قاراچای / ائلیاد موسوی / زیبا کرباسی / کیان خیاو / سلیمان­اوغلو / صالح سجادی / دومان اردم / رامین عباس­زاده / علی جوادپور / علی نوری / رسول یونان / افراسیاب نورالهی / رقیه مسیحا / مهدی آذری / بولود مرادی / مسعود اسلامی / باریشماز / م.ووقار / رضا احسانی / رقیه وعیدی / ودود دوستی / کامیل قهرمان­اوغلو / محمد باراز / عیسی زینی / بهرام سورگون / نادر ایلاهی / حیدر بیات / آیدین آراز / آلما موغانلی / هئیوا موغانلی / علی­محمد بیانی / آیدین مسنن / تانیش قاراداغلی / یاشین حسینی / امید تخمچیان / عزیز سلامی / جلال روشن / ائلوار / ائلناز اسلاموند / علیرضا راهب / دادمان قوجابیلی / آیدین روشن / یاشار اسن / نیگار خیاوی / ملیحه عزیزپور / زهرا نظرنژاد / محمود حضرتی / ایلقار دوستی / علی کریمی / براتعلی فتح­الهی / رضوان ابوترابی / معصومه گلزار...

 راسیم قاراجا / موراد کؤهنه­قالا / سئوینج چیلغین / اورخان فیکرت­اوغلو / آیدین داداش­اوو / علی­بالا حاجی­زاده / ائلچین افندی­یئو / شاهمار علی­اکبرزاده / شمس ائل / فرغانه / حیات شمی / علی حاجی / گونئل مولود / اورخان ولی / بئرنان موران / علی آکای / ایتالو کالینو / پام اولمان / لوییس بورخئس / فرانس کافکا / کوبایاسی ایسسا / اوختای حاجی­موسالی / رضا حسینی / هئنری لانگ فئلو / محمد حسام / نزار قبانی / بهروز صدیقی / جان یوجل / بورسی پاسترناک / آتیلا ائلخان / عیصمت اؤزل / عاصف خالد چلبی / ناظیم حیکمت / یوسف خیال­اوغلو / برتولت برشت / قوربان سعید / آیاز تبریزلی / سحر خانیم / مرضیه اوسکولو / سولماز تبریزلی /  پریسا پورحسینی / آیخان علی­زاده / سعید موغانلی ...

 گونش درگی­سی یایینلاندی

ادبی بدیعی گونش  درگی­سینده آشاغیداکی شاعیر و یازارلاردان  اثرلر گئتمیشدیر:

رضا براهنی / اورخان پاموق / ائلناره اسلاملی / حسن صفری / حافظ خیاوی / محمدعلی فرزانه / علی قاراجالی / غلامحسین ساعدی / آدونیس / حسن اوموداوغلو / حامد احمدی / رضا کاظمی / هاینریش بول / روبرتا آلن / عزیز نسین / میلاد سلیمانی  / نریمان عبدالرحمانلی / همت شهبازی / اولکر اوجقار / علیرضا اوختای / اورخان ولی / یانیس ریتسوس / نادیر ایلاهی / یوسف خیال­اوغلو / شیخ­صفی­الدین اردبیلی / ناظیم حیکمت / صمد بهرنگ / حبیب ساهر / مفتون امینی / محمد عباسی / بهرام سورگون / آرزو مختاری / سیلویا پلات / لاله جوانشیر / احمد فرهاد / آیدین آراز / بهمن ارک / ناصر مرقاتی / قشم نجف­زاده / ستار محموداوغلو / محمد باراز / سامان حسن­زاده / علی­محمد مؤدب / محمد صبحدل / کامیل قهرمان­اوغلو/ بهروز صدیقی / رسول یونان / زامان پاشازاده / زیبا کرباسی / ائلیاد موسوی / حمید آصفی / نیگار خیاوی / ائلشن بؤیوکوند / اسماعیل اولکر/  علیرضا سیف­الدینی / بختیار واهابزاده / محمود قبه­زرین / آیدین سرداری­نیا / سیروس مصطفی­زاده / ناصر منظوری / حالدون تانئر / موسی رحیمی / میخاییل بولقاکف / سبینه مورادلی / محمود مهدوی / آیدین روشن / تایماز خانکیشی / شریف مردی / آتیلا اسکندانی / والی گؤزه­تن / علیرضا صرافی / بولود مرادی / حیدر بیات / ائلدار خیاوی / آلما موغانلی / فرهاد عیوضی / عادل برازنده / آتابای تیکان­تپه­لی / آیخان علی­زاده / سعید موغانلی ...  

کیتاب تانیتیمی

آلما موغانلی

ماوی­لر

 آذربایجان چاغداش شعرینین، ساهر و اوختای­دان سونراکی نهنگ­لریندن بیری  و داها دوغروسو ان قاباریق تمثیلچی­سی اولان سحرخانیمین ماوی­لر کیتابی ایشیق اوزو گؤردو.

ماوی­لر 6-جی ایللرده نشر اولدوغوندان شعریمیزین و بیر چوخ شاعیرین مدرنلشمه پروسه­سینده درین ائتگی بوراخمیش و چاغداش آذربایجان شعرینین اؤنجول و آوانگارد اثری کیمی تانینمیشدیر.

اثر 25 ایلدن سونرا یئنی­دن نشر اولونوب و گنج اوخوجولارین ماراغینی قازانمیشدیر. چاغداش شعری ایزله­ین ادبیاتچی­لار مطلق بو اثری گؤزدن قاچیرمامالیدیرلار. ماوی­لر سحر خانیمین شاه اثری کیمی ده ساییلا بیلر. بو کیتابین بیر چوخ شعرلری وطنیمیزده دیللر ازبری اولموش و بیر چوخ شعرلرینه ماهنی­لار بسته­لنمیشدیر.

«ساحیلی ساخلایین آغیللی­لار / من گئتدیم دنیزدن دنیزه باتام» ماهنی­سی، ان سئویملی ماهنی کیمی سحردن گله­جه­یه  یادگار قالاجاقدیر.

 اؤلوم اؤپوشوندن یانمیش للک­لر

 آه گؤزلرینده دوغولماق!..

کیان خیاو

 آذربایجان چاغداش شعرینین بو گونکو تمثیلچی­لریندن بیری ساییلان کیان خیاوین ایکی شعر توپلوسو ایشیق اوزو گؤرموش. (اؤلوم اؤپوشوندن یانمیش للک­لر / آه گؤزلرینده دوغولماق!) شعر کیتابلاری شاعیرین بو ایلین پاییزیندا نشر اولان اثرلریدیر.

بو ایکی مجموعه­ده کیان خیاوین وئردییی شعر اؤنک­لری بو گونکو شعریمیزین نئجه گلیشمه و مدرنلییه دوغرو گئتدییندن خبر وئریر. کیتاب­لار، مهیار علی­زاده آیخان جنابلارینین چوخ گؤزل و گؤز اوخشاییجی گرافیک و دیزاینی ایله یاشماق سیرا کیتاب­لاریندان نشر اولموشدور. کیتابی اوخوماغی بوتون آذربایجان چاغداش شعرینی ایزله­ینلره توصیه اولونور.

کیتاب­لارین واحید املا (اورتوگرافی) اساسلاری ایله یایینلانماسی ماراق دوغوراندیر. آدی گئدن اثرلر بو گونکو شعریمیزین جانلی و گوجلو نمونه­لریندندیر.

تانری داریخیر

شعر آنتولوژی­سی

 چاغداش آذربایجان شعرینین گون-گونه گلیشمه­سی و دونیا شعریله آیاقلاشماغا  دوغرو یؤنلمه­سی بو گونلر بیر سیرا کیتابلاردا ماراق دوغوراندیر.

بوگونکو شعریمیزین انکشافینی تکجه آرا-سیرا یایینلانان کیتاب­لاردا یوخ بلکه بیر نئچه دؤنه چاپ اولان آنتولوژی (شعر مجموعه)لرینده آپ-آیدین گؤرمک و تحلیل ائتمک اولار. بیرینجی دؤنه شاعیر (ائل اوغلو)نون حاضیرلادیغی "ایل­لرین قانادیندا"، علی داشقین­ین "آلیشیق"،محمدرضا مقدسی­نین "بوز چیچه­یی"، آیداش دلی­سئل­ین "باش چیخاران اؤلوم" و سعید موغانلی­نین "قیزیل آلمالار"، "تانری داریخیر" اثرلرینی گؤزدن کئچیرینده شعریمیزین گؤزللییی و اؤزللییینه اینانماق اولار. تانری داریخیر  شعر آنتولوژی­سی­نی یاشماق سیرا کیتاب­لاریندان بیری کیمی سعید موغانلی توپلامیشدیر. و اللی­یه یاخین معاصر شاعیرین شعری گئدن اثر تدقیقاتچی­لار و ادبیاتچی­لار اوچون ال-وئریشلی مجموعه کیمی حسابلانا بیلر. یاشماق سیرا کیتاب­لارینین اوچونجو آنتولوژیسی ساییلان اثرده ماراق دوغوران شعرلرله اوزبه اوزه گله­جک­سینیز، اوخویون مطلق...  

الیمده اللی بارماق

 تانینمیش شاعیر نیگار خیاوی­نین "الیمده اللی بارماق" شعر توپلوسو چوخ تمیز و گؤز اوخشاییجی بیر گؤرونوشله یایینلانمیشدیر.

اثر چاغداش شعریمیزین نمونه­سی کیمی حسابلاناق شعرله وئریلمیشدیر.

شاعیرین آلتینجی اثری اولان بو مجموعه­ده چوخ فرقلی شعرلر و پست­مدرن فضا و و دوشونجه­لر یئر توتموشدور. بوگونکو شعریمیزده قادین شاعیرلرین سحردن سونراکی دؤنومون بیریجیک تمثیلچیسی ساییلان نیگار خیاوی­نین بو اثرینده شعر دیلی و دیل قورولوشو و دیل اوستو یارادیجیلیغی داها ماراقلی­دیر.

اثری یاشماق سیرا کیتاب­لارینین 21-جی ساییسی اولاراق سعید موغانلی حاضیرلامیش و یایینلامیشدیر.

داغداغان

 تانینمیش ناثیر و پوبلیسیست م.ع آغداشلی­نین حیکایت­لر توپلوسو (دؤرد ناغیل) و بیر نئچه ماراقلی ساتیریک (طنز) و پوپولار اثردن عبارت اولان داغداغان مجموعه­سی یایینلانمیشدیر.

حیکایه­لرین کندلرده باش وئردییینه گؤره اثرین دیلینده اونودولموش و آز قالا یاددان چیخمیش سؤزلرلرین دیریلمه­سینه راست گلیریک. ساتیریک یازی­لاردا ایسه چوخ دوداق قاچیریجی و البته اورکدن کدرلندیریجی اثرلرله اوزبه اوز اولوروق.

کیتاب بیر نئچه ایللر بوندان قاباقلاردا نشر ایجازه­سی آلمیشسا دا، اثری بو ایل یاشماق سیرا کیتاب­لاری نشر ائتمیشدیر. سایین دیل اؤیرنجی­لری قدیم نثریمیزین نمونه­لرینی کشف ائتمک اوچون کیتابی گؤزدن قاچیرمامالی­دیرلار.  

آلمالاردا دیش ایزی

 تورک دونیاسینین بؤیوک سیاست خادیمی و ادبیات عاشیغی بولنت اجویتین سئچیلمیش شعرلری آیدین روشن­ین کؤچورمه و رسول یونان­ین سئچمه­سی ایله ایشیق اوزو گؤرموشدور.

کیتابدا اجویتین عاشقانه شعرلری و عمومییتله اؤز حیات یولداشی رخشان خانیما یازدیغی شعرلر توپلانمیشدیر. اثرین تورکیه تورکجه­سیندن آذربایجان تورکجه­سینه چئویری­سی ماراق دوغوران اولموشدور.

آلمالاردا دیش ایزی شعر توپلوسونو یاشماق سیرا کیتاب­لاری نشر ائتمیشدیر.

 اؤلولو بیزه گولور

 بوگونکو شعریمیزین سانباللی نمونه­لریندن ساییلان اثرده، گون شعریمیزدن تام فرقلی اولان پست مدرن شعرلرله اوزلشمک اولور.

قشم نجف­زاده­نین بو اثرینده شعرین نه قدر ساده صمیمی و او قدر ده مضمونلو یارانماسی ماراق دوغوروجودور. شاعیرین بئشینجی اثری اولان کیتاب چوخ گؤزل گرافیک و دیزاینا مالیکدیر.

کیتابدا بیر سیرا دییشیلمیش فورمادا یارانان بایاتی و قوشما- گرایلی و هابئله قیسا و کیچیجیک شعرلر اینسانی بیر داها شعر و پوئزیانی یئنی­دن دوشونمه­یه چالیشدیریر. اثر بوگونه کیمی یایینلانان اثرلرین ایچینده قاباریق گؤرونور.

 بو ایلین پاییزیندا یاشماق سیرا کیتاب­لاری اؤلولو بیزه گولور شعر توپلوسونو یایینلامیشدیر.

سونای حیکایه­لری

سونای حیکایه اؤدولونون سئچیلمیش اثرلری "بیرلیک" اؤزل بوراخیلیشی کیمی یایینلاندی. سونای حیکایه توپلوسوندا ۲۵ حیکایه و ۵ مقاله و تنقید گئتمیشدیر. گنج گونئی حیکایه­چی­ لییینین بیرینجی آددیملاریندان ساییلان بو توپلودا ماراقلی اثرلر ایشیق اوزو گؤرموشدور.

گنجلیییمیزین نثر گلیشمه­سینین گؤرکملی اؤرنه­یی اولان اثرده  چاغداش حیکایه­نین نمونه­لریندن سانباللی اثرلر وئریلمیشدیر. بو گونه کیمی تایی گؤرولمه­ین بو چاغداش و مدرنلشمیش اؤیکو توپلوسو، گله­جه­ییمیزه آتیلاجاق آددیم­لارین باشلانغیجی کیمی ده ساییلا بیلر. اثرده بیر چوخ تانینمیش نثر و حیکایه یازارلاریمیزدان نمونه اثرلر وئریلمیشدیر. ادبیات وورغون­لار و اؤزللیکله نثر و اؤیکو ژانرینی ایزله­ین ادبیاتچی­لار بو توپلونو گؤزدن قاچیرمایین...

   "سونای حیکایه لری"نده اثرلری گئدن یازارلار:    (داوود دوستار- اکبر رضاپور- رقیه صفری- مرتضی مجدفر- محمود مهدوی / حمید آرغیش- عبدالمجید چاوشی­زاده- مژگان صیامی- زیبا منوچهری- ووقار نعمت / ائلدار خیاوی- مجید راستی- شلاله جوانشیر- علی نوری- حکیمه رسولی- نسرین شیرمحمدزاده- شریف مردی- احسان علیپور- محمدرضا فریدی- موسی رحیمی- صمد نظمی / نیگار خیاوی- رضا کاظمی- محمد صبحدل- حامد احمدی / بولود مرادی- سعید موغانلی)

 بیرلیک اؤیرنجی درگی­سی

 بیرلیک درگی­سینین اوچونجو سایی، تخصصی اولاراق حیکایه و شعر اؤزل سایی کیمی نشر ائدیلدی. درگی، گوجلو گنج اؤیکوچو حامید احمدی­نین باش یازارلیغی ایله و بیر سیرا تهرانین علامه بیلیم یوردوندا اؤیرنجی اولان، آذربایجانلی­ گنج یازارلار امه­ییله یایینلانمیشدیر.

درگی­نین حیکایه بؤلومونده: اسماعیل شیخلی(آذربایجان)/ موراد کؤهنه قالا(آذربایجان)/ نازان بکیراوغلو(تورکیه)/ دوران چتین(تورکیه)/ویلیام فاکنر(آمئریکا)/ والئری کوکس(ایتالیا)/ یوکیو میسیما(ژاپن)/ محمود مهدوی(اردبیل)/  رشاد مجید (باکی)/ عباس معروفی(تهران)/  حامد احمدی...

و شعر بؤلومونده: واقیف ابراهیم/ سعید موغانی/ باریش آخارسو/ دومان اردم/ بولود مرادی/ مارتین ایوئتلسکی/ ویسلاواشیمبوریسکایا/ لنگستون هیوز/... کیمی یازار و شاعیرلردن اثرلر چاپ اولموشدور.

 درگی­نین امکداش­لاری : رضا کاظمی/ سعید موغانلی/ ائیواز بیات/ مهدی رضایی/ رضا روحی/احسان علیپور/تهمینه زاردشت/آراز قاراباقی جنابلاری­دیر...

ساده­سن و گؤزل بیر سالام کیمی...

 میانالی شاعیر، حسین رزمی­نین یئنی و اوچونجو اثری اولان بو شعر توپلوسو شاعیرین قیسا و هایکویا بنزر شعرلرینی احتیوا ائدیر.

توپلونون یاریدان چوخ شعرلرینده بدیعی­لیک و شاعیرلیک خصوصیاتی قاباریق شکیلده گؤرونمکده­دیر. و بونونلا بئله وورغولاماسی یئرینه دوشردی کی دئیک: بو توپلو، راسیم قاراجانین "اؤلوم حاققیندا گونش" و قشم نجف­زاده­نین "اؤلولر بیزه گولور" و هابئله سعید موغانلی­نین توپلادیغی "قیزیل آلمالار" شعر توپلولاریندان سونرا یایینلانان (کیچیک شعرلر توپلولاریندان) ان موفق اثردیر.

 شاعیرین باشقا ایکی کیتابی ، بیر سیرا یاییم و تبلیغ و هابئله متن چاپینین کئفییتسیز (قیرمیزی چاپ)لیییندن آسیلی اولاراق تانینمامیشدیر.

حسین رزمی­نین ایکینجی کیتابی دا چوخ ماراق دوغوران  و دَیرلی بیر اثردیر.

داها دوغروشو شاعیری تعریفله­مه­یه گلمز اونو اوخوماق و دوشونمک لازیمدی...

شاعیر اوخونماسا، او چوخدان اؤلموشدور...

ساده­سن و گؤزل بیر سالام کیمی... قیسا شعرلر توپلوسو اوخوماغا دَیر...

کیتابی پینار یایین ائوی نشر ائتمیشدیر.

 گؤی اوزو داش ساخلاماز

 (ایکینجی چاپ)

 آذربایجان چاغداش شعرینین اؤتن اون ایلده ان قاباقجیل تمثیلچیسی اولان رامیز روشن­ین " گؤی اوزو داش ساخلاماز"،  سئچیلمیش شعرلر توپلوسونون ایکینجی چاپی دا آرتیق ایشیق اوزو گؤردو.

یاشماق سیرا کیتابلاریندان اولان اثر، کئچن ایلین اورتاسیندا، خانیم زهرا قیطرانی­نین کؤچومه­سی و مشهور رسام و گرافیست  اردشیر رستمی­نین ایچری طرحرلریله و هابئله آیخانین جیلد طراحلیغی ایله و سعید موغانلی­نین ائدیت و حاضیرلاما چالیشیغی ایله ایشیق اوزو گؤرموشدور. شاعیرین سئچیلمیش شعرلرینی احتیوا ائدن، گؤز اوخشاییجی و کئفییتلی یایینلان اثر بیر نئچه آی سوره­سینده کیتاب ساتیش ائولرینده یاخشیجا قارشیلانیب و توکندی.

" گؤی اوزو داش ساخلاماز"  شعر توپلوسو آذربایجان شعرینین دونیایا وئره­جک اورنک­لریندن بیری کیمی ساییلا بیلر. وورغولاماسی یئرینه دوشردی کی او نسلدن (رامیز دؤورو) آذربایجان شعرینین ان بؤیوک و تانینمیش تمثیلچی­لریندن (رامیز روشنله بیرگه واقیف صمد اوغلو، روستم بهرودی، واقیف بایاتلی، علی صمید کور...) کیمی نهنگ آدلاری سادالاماق اولار.

هابئله بو دؤورون نثر  و حیکایه-رومان تمثیلچی­لریندن (اسماعیل شیخلی­دان سونراکی نسلدن "آفاق مسعود، آنار، ائلچین افندی­یئو، اکرم ایلیسلی، گول­حسین حسین­اوو، مولود سلیمانلی" کیمی ) نثر نهنگ­لرینین آدلارینی چکمک اولار.

رامیز روشنین باشقا اثرلری (بیر یاغیشلی نغمه، کپنک قانادلاری، آی ایشیغی) کیتابلاری دا آرتیق حاضیرلانمیش و نشر اجازه­سینه گؤندرلیمیشدیر.